zaterdag , februari 22 2020
Home / verhaal / Rita Pleszynski / Kerstverhoal van Rita Pleszynski – Kerstverhoal….

Kerstverhoal van Rita Pleszynski – Kerstverhoal….

Kerstverhoal….

Tommie luip mit zien mamme, over de kerstmaarkt in t’dörp. Elk joar is dr n’kerstmaarkt, bie de kerke int middn van t’dörp.En elk joar goan ze dr eem hin te kiekn..Tommie har nog goin kerstgevuil, t’was te waarm veur tied van t’joar..Oiglieks mos dr nou n’dikke pak snei liggn..Net zo as veurig joar..n’dikke deekn van snei, lag dr over de kerstmaarkt hin..Dou har hij echt t’kerstgevuil..sneiballn gooin mit zien kameroadjes…Het miezerde wat, arregad..wat oin natte bourel..Zien mamme zee teegn hom, wie koopn ons nog eem wat euliekoukn, en den goan wie op hoes aan…Woar Tommie zien pappe en zien lutje zuske was..En zo luipn ze bie de kroamkes langs..De gruinteboer proboirde ook zien handel te verkoopn, mor dat ging ook noit van harte..Middn op t’ploin stond t’kerkkoortje te zingn..Stille Nacht..Heilige Nacht…Mor goin mens bleef stoan te luustern, t’was gewoon te nat…Bie de euliekouknkroam kocht Tommie zien mamme n’beste puutte vol euliekoukn..poeiersuuker dr over hin…lekker as ze straks thoes waarn, mit n’beker vol waarme sjukkeloademelk, aan heur keukntoavel..Mor eer dat ze thoes waarn, dat duurde nog eem, want ze woondn boetn dörp…Aan oin loantje, mit n’poar hoeskes dr aan..En t’leste hoeske bie t’bos woonde Tommie….Aan t’begun van t’loantje stond dr n’hoeske, doar woonde Liesje..Achter t’glas, mit de roodwitgeblokte gordientjes, stond oin berre..En doar lag Liesje in..Liesje, elke dag as Tommie dr langs kwam, zwoide hij eem noar heur..En Liesje zwoide terugge…Ze was net zo old as Tommie..mor Liesje kinn noit loopn…Dag in dag oet lag ze doar op berre veur t’roam..Heur Pappe en Mamme waarn slim wies mit heur, ze was oinigst kind…En centn veur n’operoatie veur Liesje, dat was dr noit..Tommie zwoide nou ook eem noar Liesje, en oin gevuil van medeliedn roakte hom..En in zien gedachtn, fantaseerde Tommie dr op lös..Zo, ze waarn thoes, woar de kachel braandde, en zien pappe en zien zuske, oin spelletje aant speuln waarn.De euliekoukn wuirn in oin schoale legt, t’swilkn toafelzoiltje op toafel.Mamme ging de keukn in om waarme sjukkeloademelk te mokkn…En boetn, wuir het donker..Inoins zee Tommie teegn zien pappe, Pappe?? Mörgn ist eerste Kerstdag, zolln we nou ook snei kriegn?.Ze hebbn het wel beloofd, dus reekn dr mor op, dat mörgn dr n’loagje snei ligt…Wat wolst den??En dou vertelde Tommie zien plann’n..Enne Pappe, hebbn wie ook nog n’slee??Joa dei stoat in t’schuure…Tommie ging direct noar de schuure tou, om de slee te hoaln..Zien mamme, legde doar wat deekns in..En zo wuir het plannetje van Tommie oetwaarkt…Tommie ging op tied op berre, zo veuls te gaauwer wast mörgn..Mor hij kon de sloap noit te pakkn kriegn..Hij vondt zooo spann’nd wat hij bedocht har..Mor de sloap hoalde hom in…..Eerste kerstdag..Tommie har al heul op tied de kleppn oopn..Hij trok de gordienn open, en de heule wereld was oin mooi wit sneilandschap….Wat was hij bliede..Pappe,Mamme ruip Tommie..Het sneit…mien plan kinn deurgoan..Zien ollu haddn dat ook al zoin..en de slee, dei bie de achterdeure stond, kon vandoage broekt wordn..Tommie zien mamme har dr nog eem oin lekkere waarme kroeke in doan…Joa mor..woarveur?Tommie har bedocht, dat Liesje , op de slee ging. En zo mit heur alln op dizze eerste kerstdag, ook eem noar de kerstmaarkt hin te goan..zien pappe har gusteroavend al eem noar d’olluu van Lieske west, om heur dat te vertelln..Wat waarn dei mensn bliede….Dus de waarme jaassn wuirn aandoan, steevels aan..En zo ging Tommie, en zien zuske, mit pappe en mamme, op pad noar Liesje heur hoeske tou…Lieske zag heur al aankommn..Ook zij was al dik inpakt..Tommie zien pappe nam heur op d’aarms, en zo luip hij mit Liesje noar boetn…Lekker waarm onder de deekns, mit n’waarme kroeke…En zo gingn ze richtn de kerstmaarkt…Het was magisch…Sneivlokkn dwarreln deur de lucht..T’kerkkoor zong kerstfeestverskes middn op t’ploin.. De bakker bakte de euliekoukn, de grote kerstboom middn op t’ploin braandde, mit wel doezenden lampjes.De koster van de kerke muik t’pad sneivrij…De winkels waarn mooi versierd…En Liesje? Ze schroifde, van bliedschap, zowat har ze nog nooit zoin…Bie de etalage van oin speulgoudwinkel keek ze heur ogen oet…Ze kwam nooit aargns, en nou zomor..zat ze hier op n’slee op de kerstmaarkt…Ze pakte Tommie zien haand, en zee mit troann in heur ogen..Dankjewel! Dit??Dit vergeet ik nooit weer…Dast doe dit veur mie regelt hest…En Tommie??..Hij wos van verleegnhoid noit meer wat hij zeggn mos…Zien ogen waarn nat, dat kwam deur de kolle zee hij…Mor binn in zien haart, brandde t’vuur van voldouning…Mor dat was nog noit alles, oet het niks kwam de Dominee, in zien zwaart pak aan loopn..En bleef stoan, bie Tommie en zien olluu…De dominee zee, wat is dit n’mooie kerstgedachte Tommie..En wat ze aalmoal ook noit wossn..Wat Tommie nog meer bekokstooft har??..Hij was al veul eerder n’moal bie de Domie thoes west, en har t’verhoal van Liesje verteld….En nou?? Het collecte geld van de kerke, haddn ze aalmoal opspoart..En zo kinn nou de operoatie veur Liesje betoald wordn..Als dat toch goin mooie “kerstgedachte” is…T’was tied om richtn hoes te goan, terwiel ze over t’loantje hin luipn, heurden ze t’kerkkoortje zingn..”Stille Nacht”..Stil waarn ze aalmoal mit mekoar..Elk zien oign gedachte….Mor t’grootste gedachte was t’kerstgedachte, bekeekn deur de ogen van oin kind…En dat kind?? Dat was Tommie!…Dei dr veur zörgt hed, dat Liesje t’mooiste kerstfeest kreegn hed, woar ze nooit van had kinn dreumn….T’kerstgedachte….”Vrede op aarde”…..Vrolijk Kerstfeest!

About admin

Check Also

Verhaal van Hennie van der Laan – Ruzie om e kerstboom

Uut ’t bundeltje: Nije Grunneger kerstverhoalen uutgeevn deur de Stichting Grunneger Bouk ien 2006. Schreven …