k Dreumde!
snachts, mor asmits ook overdag
den heb k mien verstand d’r nait bie
den schait k in mien aig n eev n in n lach
want, k bin in gedacht n eev n bie die
k dou den alles weer opnij beleev n
hou we mekoar deed n vind n
binn n zo mor noar mekoar tou dreev n
deur de zwoele kracht n van de wind n
de netuur kenst vanzulfs nait dwing n
en we loat n ons den ook baaid n goan
vogels, dei doun n veur ons zing n
zo nog in t schiensel van de moan
baid n binn n we den ook veur alles in
en is sikkom niks veur ons te gek
zai is zai en ik bin zo as k bin
en altied vind n we weer ons aig n plek
n plek, om eev n weer bie te koom n
zo van, wat destieds west het
we hebb n t d’r baide van noam n
en hadd n weer ains dikke pret
den opains is t vot en routduuster
kroep d’r onder, k bin kold en verkleum
en mit wat gemompel en gefluuster
proat k in miezulf, dat k weer dreumde!
Harbert Schutte
2019
